Mae arweinydd Undeb Cenedlaethol Myfyrwyr Cymru wedi beirniadu Cyngor Bwrdeisdref Sirol Blaenau Gwent am fethu darparu addysg o ansawdd da ar ôl i'r cyngor gael ei osod dan 'fesurau arbennig' gan Lywodraeth Cymru.

Mae Llywydd UCM Cymru, Luke Young, o Flaina, wedi mynegi ei ddicter a'i bryder ynglyn â methiant amlwg a sylweddol yn y ffordd y caiff ysgolion eu rheoli o fewn i'r Awdurdod Lleol.

Mewn ymateb i'r newyddion yma, dywedodd Llywydd UCM Cymru Luke Young:

"Mae'n fater o bryder mawr i mi fod pobl ifanc Blaenau Gwent yn cael eu gadael i lawr mor wael. Mae'r profiadau dysgu a gaiff plant yn yr ysgol yn cael effaith enfawr ar y swyddi a'r cyfleoedd ar gyfer addysg sydd ar gael iddynt yn ddiweddarach yn eu bywydau. Mae anallu'r cyngor i fynd i'r afael â'r materion hyn yn mynd i gael effaith hir-dymor ar y plant ysgol maent wedi eu gadael i lawr. Gobeithio y daw rhyw ddaioni allan o'r llanast yma."