Mae Menter Ymgysylltiad Myfyrwyr Cymru yn brosiect gan UCMC sydd wedi cael ei ariannu gan Gyngor Cyllido Addysg Uwch Cymru. Nod y prosiect yw helpu myfyrwyr ac undebau myfyrwyr i gyfranogi mewn llunio'r dysgu sy'n digwydd yn eu prifysgolion eu hunain.
Allbwn y prosiect yw:
- Cynnal pedwar o gyrsiau hyfforddi hyfforddwyr cysylltiedig bob blwyddyn ar gyfer cydlynwyr cynrychiolwyr cyrsiau a hyrwyddwyr cynrychiolwyr cyrsiau yn cynnwys o leiaf wyth undeb myfyrwyr AU.
- Cynnal digwyddiad un-dydd blynyddol ar gyfer cynrychiolwyr cyrsiau o bob sefydliad AU yng Nghymru (tua 50 o bobl)
- Gwerthuso rheolaidd o hyfforddiant cynychiolwyr cyrsiau drwy gasglu gwybodaeth o ran niferoedd ac ansawdd
- Cynnal fforwm drafod ar-lein i hyrwyddo cyfathrebu a rhannu arferion da rhwng cynrychiolwyr cyrsiau. Gobeithio cynyddu'r aelodaeth drwy weithgareddau codi ymwybyddiaeth ychwanegol.
- Creu arweiniad i gynrychiolwyr cyrsiau gyda dosbarthiad ar-lein. Bydd yr arweiniad yn cynnwys cyngor ar faterion o bryder ac enghreifftiau o arferion da. Caiff dwy bennod ar bynciau newydd eu creu bob blwyddyn.
- Cymorth a chyngor i undebau myfyrwyr ar gyfer cwblhau eu datganiad blynyddol. Bydd hwn yn cynnwys creu arweiniad byr i faterion y gall undebau myfyrwyr fod eisiau eu hystyried wrth fynd ati i gwblhau eu datganiad.
- Parhau i hyrwyddo deunyddiau "mynnwch ddweud eich dweud" sydd eisoes wedi cael eu creu. Efallai y bydd angen trafod archebu deunyddiau newydd yn y Flywddyn Newydd.
- Adroddiad blynyddol yn amlinellu llwyddiant yn erbyn allbwn wedi ei gyflwyno cyn cyfarfod blynyddol y grwp llywio.
- Cyfarfod blynyddol o'r grwp llywio sy'n cynnwys cynrychiolwyr o Gyngor Cyllido AU Cymru ac UCMC.
Mae'r prosiect yn darparu undebau myfyrwyr â chyngor a chymorth ar sut i ddatblygu strwythurau cynrychiolwyr cyrsiau. Fel rhan o'r prosiect hwn, 'rydym yn cynnal cyfres o ddigwyddiadau ledled Cymru ar gyfer swyddogion myfyrwyr a chynrychiolwyr dosbarthiadau. Am fwy o wybodaeth ynglyn â'r digwyddiadau hyn, e-bostiwch Rhys Dart, Swyddog Datybygu a Hyfforddi
'Rydym hefyd yn datblygu arfau newydd ar gyfer swyddogion myfyrwyr, ac 'rydym yn gobeithio gallu cyhoeddi hwn yn fuan. Gwyliwch allan am fwy o wybodaeth.