Mae marcio anhysbys ar gyfer arholiadau a gwaith cwrs yn hanfodol bwysig i sicrhau cydraddoldeb a thegwch i fyfyrwyr. Mae ymchwil yn dangos fod myfyrwyr croenddu yn derbyn marciau is na'u cyfoedion croenwyn. Mae myfyrwyr lesbiaidd, hoyw a thraws yn dweud fod eu gwaith cwrs wedi cael ei farcio'n annheg oherwydd eu rhywioldeb neu fynegiant rhyweddol.
Mae UCM ac undebau myfyrwyr wedi bod yn galw am farcio anhysbys ers 1999 ac maent wedi bod yn llwyddiannus mewn llawer o sefydliadau addysg uwch. 'Rydym hefyd wedi derbyn cymeradwyaeth gan yr Asiantaeth Sicrhau Ansawdd, undebau athrawon, a'r Comisiwn Cyfleoedd Cyfartal.
Mae yno gydnabyddiaeth cynyddol o'r angen am farcio anhysbys ledled y sector addysg uwch. Serch hynny, mae rhai sefydliadau yn parhau i weithredu dulliau annheg o farcio.
Yn Arolwg Myfyrwyr Cenedlaethol 2007, nododd 40 y cant o'r rheiny a ymatebodd eu bod yn anfodlon ag adborth ac asesiad. Credwn ei bod yn amser i hynny newid.