Mae ein nerth a'n cyfeiriad at y dyfodol yn dibynnu ar allu ein swyddogion.  Po fwyaf o bobl sy'n sefyll etholiadau, gorau yn y byd fydd ansawdd ein democratiaeth.

Beth bynnag sy'n mynd â'ch bryd, boed rôl fel swyddog o'r PGC, aelod o bwyllgor neu swydd ranbarthol, 'rydym yn eich hannog i ystyried ymgeisio.

Yn ystod y Gynhadledd Flynyddol, cynhelir etholiadau ar gyfer 18 o'r 27 o swyddi ar y PGC.  Dyma'r swyddi etholedig llawn-amser:

• Llywydd Cenedlaethol
• Trysorydd Cenedlaethol
• Ysgrifennydd Cenedlaethol
• Is-Lywydd Addysg
• Is-Lywydd Addysg Bellach
• Is-Lywydd Lles

Caiff y 12 swyddog heb bortffolio ar y PGC hefyd eu hethol yn y Gynhadledd Flynyddol.  Etholir yr aelodau eraill o'r PGC mewn Cynadleddau Rhyddhad a Chynadleddau Arbennig.

Rhaid i enwebiadau gyrraedd pencadlys UCM erbyn 5:00pm ar ddyddiad cau'r enwebiadau (wyth wythnos lawn cyn diwrnod cyntaf y Gynhadledd Fynyddol).

Nid yw cyfranogi yng ngweithgareddau un o bwyllgorau niferus UCM yn mynnu cymaint o'ch hamser ag aelodaeth o'r Pwyllgor Gwaith Cenedlaethol, felly gall fod yn ffordd dda o gyfuno cynrychiolaeth genedlaethol â'ch hymrwymiadau lleol.